Хайрладаг учраас шүүмжилдэг юм

              Намайг зарим нэг хүмүүс эх орноо мууллаа төрсөн газар луугаа нулимлаа гэх юм. Би тэгээд болохгүй бүтэхгүй байгаа бүхнийг, нүдэн балай, чихэн дүлий өнгөрүүлэх хэрэг үү? Ямар нэгэн өөрчлөлт шинэчлэлт хэрэгтэй гэдгийг мэдсээр, харсаар, үзсээр байж чимээгүй л яваад байх ёстой юм уу?

Эсвэл тэнэг царайлчаад Азийн цагаан дагина, Миний эх орон сайхан энэ тэр гээд худлаа шальчганаад яваад байх ёстой байсымуу? Угаасаа сайхан биш гэдгийг нь бүгд л мэдэж байгаа шд. Гэхдээ муу муухай гээд нулимаад байж болохгүй нь ойлгомжтой. Сайн сайхан болгохын төлөө нь ч хаашаа юм. Угаасаа миний энэ муу эрээчилтийг уншаад Монгол улс сайхан болоод хөгжөөд байх нь ч бас хаашаа юм. Миний энэ хэрэгтэй хэрэггүй балай юмнуудыг уншаад зарим нэг нь ядаж 10000 хүний 1 нь ч гэсэн гудамжинд битгий бааж шээгээсэй, хэн нэгэнтэй харьцахдаа хараалын үг хэрэглэхгүй байгаасай, эх орноо хайрлана гэж дэмийрч гудамжинд шүлсээ үсчүүлж байхаар урдахаа сайн хийгээсэй, лам хар дагаж заасныг нь хийж битгий тэнэгтээсэй, үзмэрч энэ тэр гэдэг юмнуудад битгий луйвардуулаасай, худлаа үнэн амбиц хөөсөн юмнуудыг дагаж төр зөсгийн ордонлуугаа чулуу битгий шидээсэй л гэж энд эрээчиж суудаг юм. 

Өшөө яах ёстой гэж? Би тэгээд юу ч бичихгүй тэнэг царайлаад явж чадна. Угаасаа тэглээ гээд хохирох ч юм байхгүй. Би хэрвээ хайргүй дургүй үзэн яддаг байсан бол аль хэзээний гадаадад гараад хараар ч болтугай амьдрах л байсан. Хайртай учраас харамладаг учраас харь орноос хүртэл нутгаа санагалзсан сэтгэлээр бичиж эрээчдэг юм. Хайр гэдэг гаднаа халтай байсан нь илүү дээр гэж надад нэг бичикхэн бодол байдаг болохоор муу муухайг нь мэдрүүлье, харуулая л гэж бичдэг юм. Би өөрийнхөө бичсэн юмнуудыг гоё сайхан гэж бол боддоггүй гэхдээ хэрэгтэй хүнд нь хэрэгтэй, ойлгох хүнд нь л зориулж бичдэг юм. Угаасаа бүх хүн ойлгох албагүй, бүх хүн миний блог руу орох албагүй, БҮР ТААЛАГДАХ Ч АЛБАГҮЙ.

Тийм болохоор миний бичдэг эрээчдэг бүхнээр минь намайг бүү тодорхойлоосой гэж хүсч байна. Би эх орондоо хайртай, миний эх орон сайхан гээд орилоод бөөлжиж байгаа Монголчуудыгаа харж шагширсандаа л бичдэг юм. Бид хөгжиж дэвшиж байгаа ч гэсэн зарим нэг зүйл системийн хувьд, агуулгын хувьд, хэлбэрийн хувьд алдаатай хэвээр л байна. Гэхдээ энэ бүхэн удахгүй засагдаж сайхан болохыг харах хувь заяаг өөртөө ноогдуулах гэж бичиж суудаг юм. 

Дэлхийг донсолгож, чичрүүлж байсан энэ тэр гэж солиорохгүй угаасаа хүн болгон тэгэж тэнэгтдэг юм. Тийм болохоор зүгээр л хайртай учраас шүүмжилдэг болохоор шүүмжийг минь доромжлол биш шүүмж гэж хүлээж авахыг эрхэм уншигч таниас хүсч байна. 

Баярлалаа таньд.

Үргэлжлүүлэх>>

Эх орноосоо урвагчид

              Эх орноосоо урвана гэж юу байдаг талаар твиттерт титэм үг гээд нээх уншихад ярвигтай, ядаргаатай ном байдагдаа. Тэрэн шиг хачин юм бичдэг хүнээс тусламж гуйх гэж асуусым. Тэгсэн чинь их том том үгээр дайраад л. Нас дээр гарчихсан хүн гэхэд жоохон овилоггүй санагдлаа.

                    За тэр хүний талаар яахав. Эмоз гэж бацаан угаасаа л хэрэгтэй хэрэггүй юм бичиж байдаг юм чинь. Гэхдээ би өөрийгөө үнэний төлөө тэмцдэг энэ тэр гэж бүлтрэхгүй. Зүгээр л зөв гэж бодсон бодлоо л бичдэг. Өөрийн бодлыг бичихэд заавал олон төрлийн, өнгө өнгийн диплом байх шаардлагагүй гэж боддог. Ер нь ямар нэгэн юм бичиж бодож боловсруулахад тархи, кейбоард байхад л болох бус уу? Эсвэл бацаан байхаараа юм хум эрээчиж болдоггүй юм уу? Заавал 70, 80 гарч байж амьдралын утга учрыг ойлгодог юм уу? Угаасаа миний үзэх амьдрал, таны үзсэн амьдралаас шаал өөр байх нь ойлгомжтой шүү дээ. Тийм болохоор ах нь ах нь гээд худлаа заах гэж оролдохын оронд хэрэгтэй байгаа хэдэн үгийг нь л хэлж сурах хэрэгтэй юм шиг санагддаг шүү АХМАДУУДАА. Ахмад гэдэгт энгэртээ дүүрэн одон медальтай, нэрнийхээ урд үлгэр тууль биччихсэн муухайгаар хэлвэл хоцрогдсон нийгмийн хоцрогдсон идэвхтэнгүүдийг хэлнэ гэж бодож байна.

Дээр бичсэн зүйлийг уншвал уншаад уншахгүй бол эндээс шууд уншаарай. Гол сэдэв эхлэх гэж байгаа тул хүүхдүүдээ наашаа сууцгаагаарай.

Эх орноосоо урвагч гэж хэнийг хэлдэг нь ойлгомжгүй бас хуулинд тэр талаар тусгаагүй байдаг юм шиг байна. Би гүүглэ ахаас нэлээн их асуулаа тийм юм би сайн мэдэхгүй гэж байна. Бас тэр талаар хууль дүрэм гүүглэ ахын дэвтэр дээр байхгүйг бодоход Монголд номын санд байгаа байх. Тэр талаар олж уншвал та нарт хэлэмз.

Онолын ямар нэгэн мэдлэг мэдээлэл өгч чадаагүй болохоор би өөрийнхөө өнцгөөс харсан нэгэн тайлбарыг хийе гэж бодож байна. Эх орноосоо урвагч гэж тэр Хурц мурц, УИХ гишүүд, улс эх орноо зарж идэж байгаа гэгдэх нөхдийг би хэлсэнгүй. Эх орноосоо урвагч гэж гадаадад очиж Казино тоглодог хэсэг бүлэг баячууд томчуудыг нэрлэх гэсэн юм.

БНСУлсын Казинод Монголын толгой баячууд, Монголын баячууд, Шинэ Монголчууд их ирж тоглодог харагдсан. Энд тэндэхийн уул уурхайн эзэд гэж ирээд л. Харахад их л сайхан гүзээ энэ тэртэй байдаг юм билээ. Тэр гүзээнүүд Монголоос олсон баялаг алтыг хаашаа гаргаж зарах нь бол надад түй ч хамаагүй. Харин Монголын мөнгөний урсгалыг л гадагшаа гаргаад байгаа юм. Маш их мөнгөөр тоглодог. Хэдэн сая төгрөг бол ердөө л өдөртөө гаргадаг мөнгө нь байдаг. Хэдэн сая доллар л алдаж байж санаа нь амардаг хүмүүс их л байдаг харагдсан.

Казино гэж газарт хүн баяжиж байхыг би ёстой хараагүй. Харах ч үгүй байх. Казиногоос болж дампуурсан гуйлгачин болсон хүн л мэдэх болохоос баяжсан томорсон л хүн лав хараагүй. Хэрвээ баяжуулдаг байгууллага юм бол ЯАГААД БНСУ-ын иргэдийг өөрсдийн казинодоо оруулахгүй байгаа юм? Яагаад Японд казино байхгүй байгаа юм? Яагаад Солонгосын баячууд Америк руу явж казино тоглодог юм? Яагаад Хятадын казинод Хятадуудыг оруулдаггүй юм бэ? 

Би гэхдээ тэр томчуудыг Казино битгий тогло гэж хэлэхгүй. Алддаг алдаж л байдаг мөнгөнөөсөө хэдийг нь ядуу гуйлгачингуудад л тараалдаа. Бүр тэгмээргүй юм гэхэд хүүхэд залуусын боловсролыг дэмжээд ганц 2 сэтгүүл гаргаад сургуулиудаар тараалдаа. Тэгэж их мөнгө үрж кайф авмаар байдаг юм бол. Хотын захын сургуулиудад компьютер авч өг. Хөдөө сумын эмч нарт машин авч өг. Баяны дүрд тогломоор байгаа бол тоглосон шиг тогло.

Өө тийм нэг юм хэлье. 20-н саяыг алдчихлаа, 100-н саяыг алдчихлаа энэ тэр гэж хэлэхээр гоё харагддаг гэж боддог юм шиг байна лээ. Тэгвэл тийм биш шүү. Тэгэж хэлж байгаа чинь таны тархины багтаамжийг л харуулдаг юм. Таныг тоглоод 20, 30-н саяар нь алдаадах гэж хэн ч хэлээгүй бөгөөд албатай юм шиг тоглож алдчихаад сайрхаж байгаа бол тэнэг гэхэд ч багадах юм шиг санагддаг шүү.

Дэлхийн бүх том том баячууд өөрсдийн гэсэн сантай байдгийг санах хэрэгтэй. Монголын хурган баячууд тэдний хаана нь явна вээ?

 

Нутгаасаа олсон мөнгийг НУТАГТАА Л ЗАРЦУУЛАЯ.

Үргэлжлүүлэх>>

Эмоз төрийн ордонд тайчна

               Сайн байцгаана уу Ноёд хадагтай нараа? Та бүхэнд нэгэн сайхан мэдээг дуулгахад таатай байна. 2012 оны хамгийн нүсэр, хэн ч хэзээ ч үзэж хараагүй, хэзээ ч үзэхгүй харахгүй, цус бүлэгнүүлж, сэрэл хөдөлгөсөн гайхамшигтай үзүүлбэрийг та 2012 оны 3-р сарын 9-ний 19-н цаг 30-н минутаас Төрийн ордонд Цуутай үзмэрч, Гудамжинд Лааз Өшиглөгчдийн Холбооны ерөнхийлөгч, Судлаач Эмозын ГАЛ ХАЛУУН ТАЙЧИХ ҮЗҮҮЛБЭРИЙГ ҮЗЭЖ СОНИРХОНО УУ.

Ингээд та бүхэндээ Цуутай үзмэрч, ГЛӨХолбооны ерөнхийлөгч, судлаач, тайчигч Эмозтой уулзуулъя.


Сурв:               Сайн байна уу Эрхэм Эмозоо?
ЦҮГЛӨХСТ:    Сайн. Сайн байна уу та?

Сурв:          Таныг төрийн ордонд тайчих гэж байгаа гэж дууллаа. Яагаад юуны учраас тайчих болсноо цухас дурдахгүй юу?
 ЦҮГЛӨХСТ:  Цухассаад ч байх юм байхгүй лдээ. Зүгээр яриад өгчихье. Төрийн ордонд нэлээн дээх нь Жаак ах Жексоны үзүүлбэрийг үзүүлж, Бузар хүүхнүүд нэртэй нүсэр хэмжээний гал тахих үзүүлбэр болооздээ? Тэрийг хараад ерөнхийдөө би нэг тайччихвал яадаг бол гэж бодсон юм лдаа. Тэрнээс гадна кино энэ тэр нээгээд л, цомог момгоо нээгээд байхад би яагаад тайчиж болохгүй гэж?


Сурв:         Уучлаарай Эмоз гуай. Арай ч тэгэж төрийн ордондоо садар самуун сурталчилж болохгүй байхаа? Та өөрөө хуулийн талаар мэдлэгтэй хүн үү?
ЦҮГЛӨХСТ:      Болох үгүй нь ч харин сураглаж үзээгүй юм байна. Гэхдээ садар самуун гэдэг чинь хүүхээ? Аааааль 70, 80-аад оны үед элэрсэн, баларсан, өнгөрсөн зүйл шдээ. Харин одоо үед чинь наадхыг чинь секс, эротик гэж ярьдаг юм. Тэгээд ч наад Садар самуун гэдэг үг чинь СОЦ нийгмийн үед л хэрэглэгдэх ёстой үг хэллэг байлтай. Тэрнээс гадна хэрвээ би хуулийн талаар мэддэг байсан бол намайг Цуутай үзмэрч, ГЛӨХолбооны ерөнхийлөгч, судлаач, тайчигч, хуульч Эмоз гэх байсан биздээ?


Сурв:                Ямар ч байсан таны энэхүү үйл ажиллагаанд амжилт хүсье. Төрийн ордонд тайчих үзүүлбэр тань сайхан болох болтугай.
ЦҮГЛӨХСТ:           Баярлалаа. Өнөө орой 19-н цаг 30-н минутанд төрийн ордонг будаа болгоно гэж бодож байгаа. Та ч бас ирээрэй.

19-н цаг 30-н минутын шуурхай мэдээ. Breaking news.

Дөнгөж сая Эмоз гэх завхай нөхөр төрийн ордны өмнө хамаг хувцасаа тайлж, шалны том мод тойрч гүйж өвчигнөж байгаад цагдаа нарт баригдан түр саатуулагдаад байна. 
Шуурхай мэдээг: Алтаншагай мэдээллээ.


Өнөөдөр сонины нүүрний мэдээ. 2012 оны 3-р сарын 10


Өчигдөр 19-н цаг 30-н минутын үед Эмоз гэх нөхөр төрийн ордоны өмнөөс баривчлагдлаа. Түүний үзүүлсэн тайчих үзүүлбэр гээч балай зүйл нь төрийн ордонд болж буй шоу цэнгээн, юм хумны нээлтийг эсэргүүцсэн хэмээн мэдээллэсэн байна. Тэрээр энэхүү үйлдлээрээ төрийн ордонд ямар нэгэн шоу цэнгээнийг нээх, хийлгэх зэргийг эсэргүүцэж байгаагаа илэрхийлэхийн ялдамд Өмнөговь аймагт суугаа аав, ээж, ах, дүү болон нутгийнхандаа мэнд хүргэсэн байна.








Майкл Жексон Цагаан ордонд бүжиглэсэн гэж дуулдаагүй, 
Холливууд Цагаан ордонд кино нээж байна гэж сонсоогүй
Ер нь энэ төрийн ордон улсын зүрх юм уу? концертийн танхим юм уу?
Хэн танилтай нь төрийн ордонд ороод архидаад байж болохгүй биздээ?

Үргэлжлүүлэх>>

3-р сарын 8

         Өнөөдөр буюу 3-р сарын 8-н бол эдийн засаг, улс төр, нийгмийн салбарт эмэгтэйчүүдийн гаргасан амжилт, ололтыг тэмдэглэдэг Дэлхий нийтийн өдөр билээ. Харин энэхүү өдрийг манайхан баяр болгон тэмдэглэдэг уламжлалтай. Баяр гэдгийг дагаад архи гээч сайхан зүйл дагаад ирдэг нь гайтай. Баярын өдрийн бичлэгийг аймшигтай муухай юм болгох нь шүү цаад Эмоз чинь. Тийм болохоор ингэс хийгээд өндөрлөхгүй бол горьгүй нь. Нэг шүлэг хаанаас ч юм гусаад тавьчихлаа.

Өргөн Монголын хатан гоо
Өнөр бүлийн эзэн гоо
Бүүвэй аялах уян гоо
Бүхнийг шаглах уран гоо
Эрийг чимэх саран гоо
Энхрий аальтай бүсгүй гоо
Эрхэмсэг тансаг хатан гоо
Энгүй орчлонгийн эрхэм бүсгүй таньд Монголчуудын хэлж заншсанаар Олон улсын эмэгтэйчүүдийн баярын мэндийг хүргэе. Амьдралд тань аз жаргал, эрүүл энх, сайн сайхан бүхнийг өөд өөд нь өргөн дэвшүүлье.

Үргэлжлүүлэх>>

Бусдын доодох дээр хараал бичдэг пи.дакуудад

This summary is not available. Please click here to view the post.

Үргэлжлүүлэх>>

Бүтэлгүй юм

               Саяхан хайртай лаптопныхоо дэлгэцийг хагалчихлаа... Тэгээд нэг суга лапан дээрээс юм бичих гэсэн чинь бичих ч юм олдохгүй тархи ч ажиллахгүй. Ядаж байхад тэр лапан дээрээс энэ блогийг нээхээс эхлээд биччихсэн дундуур нь өөр комноос ч бичиж үзээгүй болохоор сонин байна шөө. Хэрэгтэй юм биш юмаа гэхэд хэрэггүй ч юм болтугай биччихмээр санагдах юм тэгсэн чинь хэрэггүй юм ч орж ирэхгүй ёстой бүтэлгүй юм. Гэхдээ утасныхаа дэлгэцийг дахиж хагалаад янзлуулчихсан гэж бодохоор сайхан байна. Нэг нь хагарч байхад нэг нь бүтэн болж байх жишээтэй. Бүгдийг нь бүтэн болгоё гэхээр эдийн засгийн болоод сэтгэл санааны гарзтай байх юм. Хараал идсэн Iphone-оос болж бараг 400 000 төгрөг зарлагадлаа. Тэгэхэд Galaxy энэ тэр нь унаад байхад л хагарахгүй байх юм.

Эсвэл минийх л ингээд хагараад байгаа юм уу? Эсвэл би тийм азгүй юм уу ч гэж бодохын. Сүүлийн үед сэтгэл санаа тогтвор муутай, ажил амьдрал ганхаастай, хүсэл мөрөөдөл бүрхэг гэж ирээд л яриад байвал зовлон их байна. Угаасаа зовлонгүй үргэлж жаргаад байвал амьдрал утгагүй болох юм шиг санагдаж байгаа болохоор зовлонг жаргал гэж хүлээж авсан нь дээр юм шиг. Тэгэхгүй би зовж байна надад хэцүү байна гээд бодоод яваад л байвал улам л зовлондоо автаад ч байх юм шиг санагдаад байх юм. Одоо яамаар ч юм билээ дээ.

Гутрамтгай хүн аяга дүүрэн зовлон бэрхшээл тоочдог бол өөдрөг хүн аяга дүүрэн боломж гарцыг ярьдаг гэж нэг сайхан үг байдаг даа. Тийм болохоор яг одоо над шиг яах нь ч тодорхойгүй яах гээд байгаа нь ч мэдэгдэхгүй сэтгэл санаатай байгаа хүмүүстээ гэж хэлэхэд Every things gonna be allright гэж хэлмээр байна. 

Нээх удахгүй бүх юм сайхан болно. Угаасаа болсоор ч байсан болсоор ч байх болно. Өнөөдрийн зовлон гэж бодож байгаа тань, өнөөдрийн хэцүү байдал тань маргааш гэхэд инээдтэй зүйл болон хувирсан байх болно. Эсвэл аз жаргалтай дурсамж болон үлдсэн байх болно. Тийм болохоор зовлондоо баригдаад хэвтээд байлгүй босоод зовлонгоос гарах хаалганы бариулаас барь. Эс тэгвээс үргэлж тэр хаалганы цаана хэвтэх болно шүү. Good luck .... :D

Үргэлжлүүлэх>>

Хорвоогийн мөнх бусыг үзүүлээд одсон таньдаа

                             

                             Хорвоогийн мөнх бусыг үзүүлээд одсон эгч таньдаа зориулав

      Бүгдэнд нь энэ сайхан баярын өдрөөр уй гашуутай мэндчилгээ хүргэх гэж байгаадаа жоохон гэмшингүй л бичин сууна. Баяраар хүн болгон баярлаж байхад бидний хувьд уй гашуутай нулимс дүүрэн нүдтэй сууна.

Гашуудлын мэдээг сонсох тэр агшинд өөрийн эрхгүй нүдэнд минь нулимс цийлэгнэж. Түүнийхээ замд саад хийхгүйн тулд арай хийн тэвчсэн. Үнэхээр бичье гэсэн ч тархи ажиллахгүй байна. 

Ердөө л түүний минь үзэж өнгөрүүлсэн хатуу хүтүү амьдрал л үзэгдэж зүрхийг минь зүсч байна. Архичин нөхрийн дарамтнаас болж ганц охин нь сэтгэлгээний удаашралд орж, хүний гарт амиа алдсан хүү, сэтгэл мэдрэлийн өвчнөөс болж амиа хорлосон хүүгийхээ араас ямар их гашуудаж уйлж байсан бол? Харин ч миний эгч 2 хүүгээ алдаад өвдөг сөгдөөгүй юм шүү. Ганц охиныхоо төлөө гэсэн сэтгэлээр сэтгэлээ барьж, өөрийгөө тайвшруулж байсан юм. Маш их тэвчсэний эцэст жоохон дуг хийчхээд ирье гээд босч ирж чадалгүй хорвоогийн мөнх бусыг үзүүлээд одлоо.

Гэхдээ санаа зоволтгүй ээ эгчээ. Ганц муу охиныг тань хараад хандах ах дүүс тань байна. Битгий санаа зовоорой эгчээ. Амгалан тайван нойрсоорой.

                                                           Таныг минь бурхан ивээг.

Үргэлжлүүлэх>>

Цагаан сар ба хар нялмас

             Цаг цагаар цадна, Цагаан сараар нэг цадна гэж сайхан үг бий дээ. Тэгэхээр одоо маниусын өвөг эцэг, элэнц хуланц, хушга, хулмас өө тэнэгтжийнэ цаа чинь. Юун хушга, хулмас болчихвоо. Гасаад умшчаарай. Тэр үед хүмүүс ерөөсөө байнга өлөн зэлмэн явдаг байсым шиг байгаан чааваас. Тэгээд л хааяа хааяа нэг идчээд цагаан сараар нэг мөсөн иддэг байсымуу даа. 

За тэр хүмүүсийн идэж уух ч яахав. Хүмүүс ер нь их сонин сонин юм яриад байна шүү цаа чинь. Бэлэг өгөхөө болье, бэлэг өгөхөөр Эрээн хөгжөөд Замын-Үүд дампуураад байна, баячуудын хөлд ядуус үрэгджийнэ, ууцны үнэ нэмэгдлээ, ууц чанагч ажилд авна. Утас: 9989-9912 өө зар явжийна биш шүү. Гэх мэт юм ярихын.

Би боддын бэлэг өгмөөр байгаа хэд нь өгвөл өгнө л биздээ. Өгмөөргүй байгаа хэд нь л өгөхөө болилдоо. Ууц тавь гэж хэн хэлсийн? Анхнаасаа тийм байсын л гэх юм. Тэгээд анхнаасаа тийм байсын гээд гудамжаар морь унаад, эсвэл бүүр нүцгэн шалдан гүйлдээд яваачээ. Өв уламжлалыг бол сахиж болдын харин тэр өв уламжлал гээд байгаа юман дээр чинь орчин үеийн юм хум нэмэгддийн байгаа биздээ? Дээр үеийнхээрээ байна гэхээр одоо яахын? Айл майл руу орохдоо хутга шөвөгтэй, гуталандаа савх сэрээтэй, бөөс хуурстай явахымуу? Буудал энэ тэр орохгүй шууд малаа хариулаад гүйж байхад нь дарж унагааж сээгсэдхиймүү? 

Бага тэнэгтий шүү таануус зүгээр. Бас энийг дагаад Монголоороо байна гэж нэг юм байна. Хаашаан бэ? Монголоороо байна гэхээр хүн болгон хөөрөгтэй, дээлтэй, Монгол гэрт амьдраад морь унаад явахыг хэлдиймүү? Гадаадын соёлыг дуурайлаа л гэх юм. Тэгээд Монголын соёлыг дуурайна гэхээр Уртын дууг үгэлж дуулаад, Нууц товчоон дээр гардаг шиг яриад байх хэрэг үү? Тэгээд л гэмтэж бэртэнгүүд шууд шороо түрхээл, эсвэл долоож хүлхээл байхыг хэлэх юм уу даа? 

Ямар ч байсан сар шинээр хордлого авчихгүйхэн шиг тааруулж идээрэй. Гэнэт баяжвал аминд халтай, Гэнэт цадвал гэдсэнд халтай гэж...

Үргэлжлүүлэх>>

Хулгана заан болоход 24 сая үе дамжих ёстой

        Австралийн Монаша их сургуулийн эрдэмтэд хөхтөн амьтадын хэмжээний өөрчлөлтийн хугацааг тооцоолсон байна. Эрдэмтэдийн бүтээл Proceedings of the National Academy of Sciences сэтгүүлд хэвлэгдсэний товчлолыг их сургуулийн сайтад тавьсан байна. Эрдэмтэд хулганы хэмжээтэй амьтан зааны хэмжээтэй болоход 24 сая үе дамжих ёстой гэв. Мөн эсрэгээр амьтны хэмжээ нь багасгахад дээрх хугацаанаас 10 дахин хурдан гэнэ.

Эрдэмтэд сүүлийн 70 сая жилийн дотор палеонтологийн олдвороор амьд организмын 28 багийн амьтдын биеийн өөрчлөлтөд судалгаа хийжээ. Тэдний тогтоосноос үлэг гүрвэл мөхсөний дараах эхний 35-н сая жилийн дотор амьтдын хэмжээ томорч байгаад удааширсан гэв. Том амьтад үр төлөө тээхэд их хугацаа зарцуулж байснаас тэдний хэмжээ жижигрэх замдаа орсон байна.

Хэрэв үе дамжилтаар ярих юм бол 1,6 сая үе дамжихад хуурай газырн амьтдын хэмжээ нь 100 дахин өссөн бол 10 сая үе солигдоход 5000 дахин нэмэгдэнэ гэсэн үг. Далайн амьтдын хувьд эдгээр үзүүлэлт нь 1,1 3 ба 5 сая үе солигдохтой тэнцэнэ. Эрдэмтдийн яриагаар өмнө нь төрлийн доторх өөрчлөлд их анхаарч судалдаг баий йсан учраас тэдний бүтээл чухал гэжээ.

                      "Ардын эрх" сонин

Үргэлжлүүлэх>>

Монголд үйлдвэр хэрэгтэй юм уу?

         Монголд ер нь ямар нэгэн юм үйлдвэрлээд хэрэг байна уу гэж хааяа бодогдох юм. 2011 оны байдлаар 36'005'800 малтай Монгол улсад махаа ч идэж чадахгүй яваа хүн байна гэхээр сайхан сонсогдож байна уу? Гурилын үнэ дээд зэргийнх 800-929 төгрөг, 1-р зэргийнх 600-799 төгрөг, 2-р зэргийнх 480-622 гэсэн сүүлийн үеийн статистик мэдээг харахад боломжийн үнэ мэт санагдсан. Харин махны хувьд яагаад ийм өндөр үнэтэй байгааг л гайхаад байна. Мэдээж бидний гар дээр ирж буй махны үнэ нь тээвэрлэлтийн хөлсийг нэмсэн байж таараа. Тэгэхээр махны үнийг малчид барьж байна гэсэн үг. Ченжүүд биш шүү. Юм л болвол хэдэн муу борлуулагч, тээвэрлэгчид рүүгээ дайраад л үнэ нэмлээ новширлоо гээд байх юм.

Манайд байдаг махны үнэ бол гадаадад байдаг үс ноосгүй, шивтэр ханхалдаггүй махны үнэ. Гэтэл манай мах ямар ч эрүүл мэндийн баталгаагүй, гаргачихаад л шууд портер дээр ачаад авч ирээд дээгүүр нь бакальтай баахан гишгэж гишгэж зардаг. Тэрүүгээр нь хоол хийхээр үс ноос гарч ирдэг бүр шороо ч зажлагддаг. Тэгсэн хэрнээ яагаад тийм үнэтэй байна вэ? Хэрвээ уут савалгаатай, ямар ч үс ноосгүй, эрүүл мэндийн баталгаатай мах байвал ийм үнээр мах авахад харамсаад байх юм ер алга.

Уг нь мах хамгийн хямд байвал бусад бүх бараа үнэтэй байсан ч хамаа алга. Тэгээд ч 36-н сая малаар юу хийх гээд байгаан? Цөлжилт гээд л яриад байдаг.

Миний бодлоор Монголд фермийн аж ахуй л их дутагдаж байгаа юм шиг санагддаг. БНСУ л гэхэд хонины махаа Австралиас, үхрийн махаа Америкаас импортлодог. Яагаад Монголоос авахгүй байгаа юм? Ойлгомжтой шд. Үс ноостой, шивтэр ханхалсан учраас. Харин бид энэн дээр дүгнэлт хийгээд өөрсдийн махаа яаж дэлхийд борлуулах вэ? Дэлхийд биш юм аа гэхэд гадагшаа гаргадаг болгоё лдоо. Бидэнд 20-н сая мал байхад л болоо. Үлдсэнг нь экспортоор гаргая лдаа. Экспортонд гаргахаар чанартай махыг үйлдвэрлэе лдээ. Хэзээ болтол үс ноосоо идэх юм бэ?

Нэг юм хэлэхэд австри, австрали хонины махыг угаачихсан байдаг ч гэсэн Монгол махнаас илүү зөөлөн, амттай байдаг юм билээ. Тэгэхээр бидний мал аж ахуй хаана явнааа?

Үргэлжлүүлэх>>